Wie is ons?

Kruin is ‘n gemeente geleë in Kempton Park wat huise van Kempton Park wil help wat met liefde, hoop en betekenis wil lewe. Ons gee om, wil luister en voel die pyn van die gebrokenheid van die lewe en op grond van alles wat Jesus al in ons lewens kom doen het, kan ons jou begelei en toerus deur saam met jou die pad van die lewe te stap.
Daarom nooi ons almal om te kom nes net soos jy is en te ervaar dat Kruin jou sal help om Jesus te volg vir ’n beter lewe van hoop, liefde en betekenis.”
Die gemeente bestaan sedert 1975 en het 3 leraars en personeel van 15 mense. Ons Gemeenteraad bestaan uit 29 mense en is verteenwoordigend van al 7 ons bedieninge.
Ons is ʼn familie-gemeente met ʼn besonder warm, vriendelike atmosfeer waar mense baie welkom en gou tuis voel, en opregte omgee ervaar. Soos ʼn mens in ʼn familie kan verwag, word ons styl beskryf as informeel en gemaklik.